In insara neuen Folge homb mia bei da Michaela Walch aus Hochfilzen auf an Ratscha vorbei gschaug. Sie is 23 Johr oit und Notfallsanitäterin beim Roten Kreuz.

Durch des freiwillige soziale Jahr is sie zum Roten Kreuz kemma und hot bis heut' viele Ausbildungen - vom Rettungssanitäter, über den sicheren Einsatzfahrer, bis hin zur Notfallsanitäterin - g'mocht! Wos is etz aber genau da Unterschied zwisch'n an Notarzt und an Notfallsanitäter? Und warum is Entscheidungsfähigkeit im Rettungsdienst so wichtig? Lost's unbedingt eiche! De Michi vazoit, wia so a Rettungs-Einsatz ausschaug, warum sie si während'n letzt'n Johr im Desinfektionsmittel gebadet hot und wia ma mit der Belastung umgeht, dass ma leider ah nit jedem helf'n kun, obwoi ma des gern mecht! Auf de Frage, warum ma zum Roten Kreuz geh' soid, sog de Michi sofort: "Weil ma oafoch ah Freunde fürs Leben find!"

Du kennst wen, dessen G'schicht' unbedingt gehört wean muas? Donn schreib ins a Mail auf podcast.pillerseetal@gmail.com oder auf Instagram unter podcast.pillerseetal!

Mia gfreint ins auf enkare Nachrichten!

Enka Flo & Flö