In insara neuen Folge vo "Auf an Ratscha im Pillerseetal" sand mia zu Gast beim Fritz Zelger aus Waidring. Er is 83 Johr oit und nimmt ins auf a Reise in de Vergangenheit mit!

1938 is er in Südtirol auf an Bauernhof auf de Welt kemma. Aber scho 1941 hot die gonze Familie mit neun Kindern weg'n da Italienisierung auswandern miassn. So is da Fritz mit drei Johr ins PillerseeTal kemma. Vom Viech homb's nur de Kotz' mitgnumma, und de war eana boid dadischt. Drei Tog hot de Reise domois dauert, erinnert er si zrugg. Da Fritz nimmt ins mit auf sein' Lebensweg - vom Leb'n noch'n Kriag, übers Fenster'ln geh, bis hin zur Arbeit als Hoizknecht. Warum an oan' Tog as Keiwei im Stall vaschwundn is, wieso da Fritz amoi 14 Tog long go' nix mehr gsech'n hod, und wia ma trotz der harten Zeit immer glücklich wor, des vazoit er enk in insara neuen Folge "Eine neue Heimat".

Du kennst wen, dessen G'schicht' unbedingt gehört wean muas? Donn schreib ins a Mail auf podcast.pillerseetal@gmail.com oder auf Instagram unter podcast.pillerseetal!

Mia gfreint ins auf enkare Nachrichten!

Enka Flo & Flö